جۋىردا  ىشكى ىستەر مينيسترلىگى الماتى اكادەمياسىنىڭ ۇجىمى مەن جوعارى اكادەميالىق باسشىلىقتى دايارلاۋ فاكۋلتەتىنىڭ تىڭداۋشىلارى مۇحتار اۋەزوۆ اتىنداعى قازاق ۇلتتىق دراما تەاترىنا گوگولدىڭ اتاقتى "ۇيلەنۋ" كومەدياسىنا بارىپ، كورەرمەن قاتارىندا بولىپ قايتتى. 

بۇل شارانىڭ قۇقىق قورعاۋ ورگاندارىنىڭ وكىلدەرىنە بەرەرى كوپ ەكەنى ءسوزسىز. اكادەميا باسشىلىعى تەاتر ساحناسىنداعى ساڭلاق اكتەرلەردىڭ ونەرىن تاماشالاپ قويماي، اكادەميالىق تەاتر مەن ءىىم الماتى اكادەمياسى اراسىنداعى ىنتىماقتاستىق تۋرالى مەموراندۋمعا دا قول قويىپ، الداعى ۋاقىتتا ءوزارا بايلانىستاردىڭ جالعاسا بەرەتىنىنە سەنىم ارتتى.

مەموراندۋمعا بايلانىستى ۇلى اكتەر، "اتاماننىڭ اقىرى" فيلمىندەگى شادياروۆتىڭ رولىمەن-اق بۇتىندەي ءبىر ۇرپاقتى پاتريوتيزمگە تاربيەلەگەن ءاسانالى ءاشىموۆ "سونشا جىل تەاتردا ىستەپ ءجۇرىپ مىناداي كەرەمەت باستامانى كورگەن جوقپىن. اكادەميا باسشىلىعىنا راحمەت" دەپ اعىنان جارىلىپ، ىشكى ىستەر قىزمەتىنە ابىروي تىلەپ، ىزگى نيەتىن ءبىلدىردى.

ال كورەرمەنگە "ۇيلەنۋ" قويىلىمى وتە ۇنادى. اكتەرلەردىڭ شەبەرلىكتەرىنە ءتانتى بولىپ، ۇزاق ۋاقىت قول شاپالاقتاپ، قوشەمەت كورسەتتى.

قويىلىم سوڭىندا اكادەميا باستىعى ايدار سايتبەكوۆ ىشكى ىستەر ءمينيسترى ەرلان تۇرعىمبايەۆتىڭ اتىنان ونەر توبىنا ىقىلاس گۇلىن سىيلاپ، العىسىن ايتتى. سونىمەن قاتار وتكەن مادەنيەت كۇنىنە وراي تەاتردىڭ بىرنەشە قىزمەتكەرلەرىنە العىس حات پەن سۋۆەنيرلەر تابىس ەتتى.

ەڭ باستىسى، سپەكتاكلگە جينالعان كورەرمەن دە رۋحاني قۇندىلىققا تولى شىعارماشىلىققا قانىعىپ قايتتى. اكتەرلەردiڭ شەبەر ويىنى مەن قىزىقتى ديالوگتار كومەدياعا ءوزiندiك ءنار بەرiپ، كورەرمەنگە جاقسى كوڭiل-كۇي سىيلادى.